الرأي و الرأي الأحر في موضوع الكلب هاكسي
الرأي و الرأي الأحر في موضوع الكلب هاكسي
تقرير: فهيم سيداروس
لقد نشر عدد إثنين بوست
(محلة مرحوم قاتلة الكلب هاسكي أين حقة؟)..
(هاسكي يطالب حقة من قاتلية بمحلة مرحوم)..
وجدت هجوم مجتمعي.. مع طولة اللسان ووقاحة
ولكن في الحقيقة وجدت معهم حق
فإن الكلب هاكسي له عدة جرائم للأطفال.. ورعب.. وجروح.. وعض.. وخلافة
فأضطروا لقتله..
عن الكلب هاكسي
يقول مواطن من أهل القرية
الكلب مسروق من فتره ورجع يهجم على الحيوانات والأطفال
أصاب ١٥ طفل بجروح خطيره
وقعد أسبوع تقريبا يلف فى الشوارع وحالة زعر وحبسنا اطفالنا
والطب البيطرى معرفش يمسكة..
وفى الاخر مجموعة شباب عرفوا يمسكوه ومن خوفهم ضربوه بحديده جاله تشنج ومات
الكلب الهاسكي تاه من صاحبة، أو صاحبه رماه في الشارع الله اعلم
وطبعاً يقوم الأطفال الجميلة الملايكة يطاردوا الكلب ويضربوه ويسحلوه و الكلب المرعوب من الشارع واللي بيحصل حوالية من الاطفال والكبار في القرية
الكلب اثناء المطارده واللي بيحصله من خوف وترهيب عض طفل..
قامت القريه واتقلبت وكلموا الطبيب البيطري المسؤل..
الطبيب البيطري هنا مفروض يسحب الكلب ويعزله ويقدم الاكل والشرب ويستدعي جمعية الرفق بالحيوان لسحب الكلب وخلصت المشكله !!!
لكن ليه !
الدكتور متعود علي جردل السم والقتل بدون رحمه !!
بعد مطارده مرعبه مخيفه تولي الدكتور، وللاسف انه يتقال عنه دكتور مكلف بالرعايه..
قتل الكلب اللي خايف ومرعوب !!
السعار له تحاليل تثبته وعزل الكلب مسؤلية دكتور الصحة ولو سعار هيموت لوحده في خلال ايام !!
يعني اعزله واكله وشربه ولو عدي اسبوع يبقي سليم وخايف فقط !!!
سلمه لجمعيه بتفهم لو انت معدوم العلم والفهم !
بطالب الطبيب اللي اعطي الحقنة للكلب لكي ينهي حياته انه يخرج ما يثبت ان الكلب مريض بالسعار
وهل بالفعل الكلب هجم علي اطفال نتيجة لمرضه بالسعار ولالا ؟
لان في اللحظة ديه هقولك شكرا جزيلا علي مجهودك .. و لكن
اذا الكلب كان مربوط و تم تعنيفه و ضربه و دا واضح علي صورة الكلب و بالتالي الكلب بدأ يهجم علي الناس سلوكيا كرد فعل طبيعي منه .. فا للاسف حضرتك قاتل.
لان الكلاب الهاسكي مش كلاب شرسة خالص بالعكس كلاب تافهة جداا و مش بيحصل تغيير في سلوكها الا في حالة تعرضها لعنف شديد جداا و في الحالة ديه بتتعالج و يتعملها تعديل سلوك و بتبقي كويسة..
ثانيا مين اللي قال ان فيه حاجة اسمها قتل رحيم؟ او حقنه الرحمة؟
هل وظيفتك كطبيب انك لما تلاقي حالة صعبة تموتها تحت بند القتل الرحيم؟
لا والله مش وظيفتك و اي طبيب بيتعامل مع الحالات الصعبة بما يسمي بالقتل الرحيم هو طبيب فاشل لا يستحق اللقب..
وظيفتك كطبيب ان تعالج الحالة لاخر نفس فيها بعلم و تصريح من صاحبها ان حالتها صاعبة و قد تموت في اي لحظة..
ياما بقي في البشري في ناس كتير مريضه مرض صعب جداا علاجه ما رأيك نخلص عليهم كلهم و نريحهم؟
أنا بطالب الدولة فورا بحجر صحي وعزل كامل للطفل واسرته والدكتور البيطري "حمدي حجاج".. والاستاذ حمدي النني والاستاذ رضا.. والشباب اللي وقفوا صوروا الكلب ساعة موته.. وأسرهم.. مع سحب عينات دم وحقن السعار احترازيا.
مش عارفين بقى لعابه اتناثر على جرح حد مفتوح فيهم أو عض حد وللا لا.. ولا كل واحد فيهم نقل الفيروس لمين في بيته.
وبعدين حنيجي للجزء اللي يزعلكم.
مصادرة كل الحيوانات الثديية في القرية.. من ماعز وخراف وأبقار وأرانب وحمير وخيول.
معلش مش عارفين الكلب "المسعور" قابل أنهي حيوان ثديي في رحلته.
* في هنا ملحوظة قاتلة.
حمدي حجاج شغال في مجزر...
وحسب كلامه اتعامل مع فيروس السعار بلا اجراءات وقائية.
يعني ممكن نضطر لعزل القرية كلها.
وطبعا مش عارفين حمدي حجاج اتخلص ازاي من السرنجة اللي استخدمها على حيوان "مسعور" حسب زعمه. ودي جنحة لوحدها.
أظن دا كلام سليم لا غبار عليه.
طبعا الدكتور.. وبقية شلة المغاوير اللي كانت بتضرب الكلب وتصوره.. فاهمين كويس انه مكانش مسعور.
ولو الدكتور حجاج مش عارف اعراض السعار.. فدي كارثة لوحدها.
ولو مش عارف القانون.. وانها لازم تتبلغ ووحدات الدولة البيطرية بتيجي تسيطر على الحيوان وبعد فصه واثبات مرضه وموته مخه لازم يتفحص ويتشرح.. دي كارثة تانية.
ولو مش عارف ان سرنجة حاملة باثوجين مخيف زي السعار مبتترميش في الشارع.. فدي ام الكوارث.. وتستوجب فصله من الخدمة وسحب رخصته وشطبه.
كلب هاسكي تايه او مسروق من حد ومابينزلش الشارع.. أطفال غلست عليه بطوب وحاولوا يربطوه.. فعض واحد فيهم.
فاهل محلة مرحوم قرروا يقيموا عليه الحد...
ربطوه وضربوه وجابوا حمدي حجاج يتصرف خارج اللوائح ويعدمه من نفسه بحقنة قاتلة على قارعة الطريق.
يا ترى لو كان دا ارنب ومسعور بجد.. كنتوا حتعرفوا تمسكوه وتربطوه وتحقنوه؟
او لو دا بيتبول وللا مالينوا وللا كاين كورسو.. كان حد من السادة الشجعان دول قدر يبص له حتى؟
أتمنى الدولة تتخذ الاجراءات اللي فوق دي في اسرع وقت.
ما هو يا إما مسعور.. طبقا لما فعل حمدي حجاج.. فالاجراءات دي لازم تتنفذ...
يا إما حمدي النني وحمدي حجاج ماشيين يقتلوا الحيوانات بالمزاج.. أو بالأجرة.
فيشرفوا في السجن
للاسف في ناس مازالت بتتعامل مع الارواح علي انها حاجة عادية واموت فيها براحتي..
افتكر انك هتقف قدام ربنا و هيسألك قتلتها ليه؟
هتقوله اصل كنت برحمها ؟ طيب هو انت ارحم عليها من اللي خلقها و اللي لسة سايبها عايشة؟
فيه حالات كتير بتيجي العيادة خلصانه و سبحان الله مع العلاج بتتعافي و حالات تانية بتيجي واقفه و تديك امل و في خلال ٤٨ ساعه الحالة تدهور و تموت.
دا معناه انك بتجتهد كطبيب علشان تبقي سبب في شفاء الحالة لكن هي مكتوب لها تخف لكن اوعي غرورك ياخدك انك احسن دكتور في القارة لا دا هو ستر ربنا معاك بس..
ربوا أبنائكم على حب الحيوان و الرفق به، فإنه خلق نبيل، التربية الحسنة تبدأ من طريقة معاملتك لمن هم أضعف منك
إفعل الخير و أمضي كلنا راحلون لا يبقى إلا فعل الخير، فالكبر هو أرذل العمر و قت ضعف الإنسان
سترى أثر عملك الصالح في قبرك و في كل ما يحيط بك ، فما تفعله اليوم يعود إليك غدا
إرحموا الحيوانات المسكينة الضعيفة لا حول لها و لا قوة يرحمكم الله يا أمة محمد..
دخلت الجنة بغي من بغايا إسرائيل يعني تشتغل زانية بالفلوس
وجدت كلب عند بئر يلحس الثرى فنزعت حذائها و غرفت الماء فسقته فشكر الله لها فغفر لها
إعكس
و دخلت مرأة النار في قطة ربطتها فلم تطعمها و لن تتركها تأكل من خشاش الأرض..
كتبت..
(اللجنة الوطنية للبيئة و حماية الحيوان)
كان اسمه مجهولًا... لكنه كان روحًا حيّة.
في لحظة تغيرت حياته، كلب هاسكي وديع، كان يعيش في دفء، بين أيدٍ كانت تطعمه وتربّت عليه.
لم يعرف الشارع، لم يعرف الرعب، لم يعرف القسوة، لم يعرف الجوع أو الضياع.
وفي غفلة، وجد نفسه مرميًا بين الأرصفة، وسط ضجيج لا يرحم، ووجوه لا تفهم، وقلوب لا تشفق.
كان تائهًا، مصدومًا، يبحث في العيون عن وجه يعرفه، عن يد تمتد لتطمئن قلبه المذعور. ربما ناداه أحدهم، فاقترب ببراءته المعتادة، لكن خوفه خانه...
فقط ليدافع عن نفسه، فقط ليرحل من مكان لا يشعر فيه بالأمان. عضّ أحدهم... فهل استحق الموت؟!
استدعوا الطبيب البيطري، لكنه لم يأتِ كطبيب، بل كجلاد.
لم ينظر إليه بعين الرحمة، لم يحاول تهدئته، لم يمنحه فرصة.
فقط ربطه في عمود كأنه شيء، لا روح فيه، وأمام أعين الناس، أفرغ في جسده حقنة الموت.
رحل الكلب، بصمت، بألم، بلا فهم.
أي ذنب اقترفه؟
أي قلب هذا الذي لا تهتزّ له يد وهو يقتل روحًا بريئة تبحث عن النجاة؟
هذه ليست فقط قصة كلب، هذه صرخة في وجه كل من تخلى، كل من سكت، وكل من اعتبر أن حياة الحيوان لا تساوي شيئًا.
هذا البيطري الذي مارس القتل بدمٍ بارد يجب أن يحاسب.
يجب أن نرفع الصوت، أن نطالب بالعدالة.
لأن الرحمة لا تُجزّأ، ومن لا يرحم حيوانًا ضعيفًا، لن يرحم بشرًا يومًا.
لا تتركوا صوته يُدفن بصمت..
وتقول (حمله رفق فى القاهرة والجيزة_refk in cairo & giza)..
واقعه الكلب الهاسكي علي وشك ان تتكرر خلال وقت قليل
كلبة أخري ربطوها ب جنزير وعاوزين يسموها:
اللي حصل ان جالنا بلاغ من شخص محترم عن كلبة انها ام لسه والده من ايام
هي طيبه وغلبانه عايشه طول وقت حملها زي ما كلنا بنشوفهم تكون ناقص تتكلم ب عنيها عشان تلاقي اكل وشرب وهي و نصيبها انها تلاقي اي بواقي اكل او لا..
تعدي شوارع و ارصفه وتمشي ب الأميال عشان بس تلاقي اي لقمه عيش مرميه
الغلبانه دي لما ولدت من ايام هي حبت عيالها زي اي ام مش عاوزه حد يقرب لهم خايفه عليهم زي ما يكون خايفه عليهم من اللي هي شافته هي ذكيه وعارفه ان في ناس كتير مش حابه وجودها في الشارع
وتقريبا حد اخد أولادها قبل كده رماهم بعيد ف هي من وجع قلبها رافضه اي حد يقرب ليهم واللي بيقرب لهم بتنبح عليه ف الناس قالك الجمله المعتاده الحق دي مسعوره ما هي خلاص بقت موضه محدش فاهم انها ام زيهم وحاول يطمنها
المهم دلوقتى انهم ربطوها ب جنزير في حجاره في أرض فاضيه هي واولادها وناس حاولت تسمها وناس منعتهم
وفي صراع كبير ما بين المؤيد ل سمها والمعارض وربطوها وبلغوا الحي ينزل لها زي حادثه الهاسكي بالظبط وناس فعلا نزلت ب سم وناس منعتهم عشان ام هي مهدده اي لحظه تشرب سم مع أولادها..
وتقول :-
Associazione Spettacolo & Cultura Tunisia Italia
يا مسلمين يا أمة محمد يا مسيحيين يا بشر
لا الله يرضى بهذا ولا سيدنا محمد يرضى بهذا ولا سيدنا عيسى يرضى بهذا و لا أي نبي يرضى بهذا
سيأتي يوم القيامة يوم الحساب ويقول الحيوان لله
هذا آذاني و هذا ضربني و هذا قتلني و هذا لم يرحمني و هذا رحمني
و هذا تاجر بي و بدمي وهذا تاجر بجوعي و عطشي
وهذا أطعمني و هذا سممني و هذا أنقذني
فإستعدوا لذلك اليوم، يوم القيامة... يوم الحساب و عند الله تلتقي الخصوم
لا تأذي روحا لا يسمع أنينها إلا الله
إرحموا من في الأرض يرحمكم من في السماء وهو السميع العليم.
{ وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ }..
أين القانون.. أين العدالة.. أين الدولة؟
من قاتل وقتله غلبوا الشيطان إبليس... زهقوا روح بريئه لا حول لها ولا قوه.... كلها وفاء وإخلاص... وثقت في شيطان مد يده لها بالشر والموت بدلا من الرحمه...
يآااااارب حق هذه الروح البريئه بين يديك لتنتقم لها من هذا الشيطان وأعوانه..... نودع تلك الروح البريئه ونستودعها بين يديك يا يآاااارب...
هذه الروح التي أنت بارئها وخالقها تستنجد بك...أ.
هذا رأي فصيل، أو شريحة كبيرة من المجتمع متفق مع رأي جمعيات حقوق الحيوان
فأعلنت حمله رفق فى القاهرة والجيزة_refk in cairo & giza..
يقول د. @Sherif Magdy
العداله تأخذ مجراها القت قوات الأمن القبض علي المدعو حمدي حجاج والذي يعمل طبيب بيطري بعد أن قام ب حقن كلب تائه ب حقنه سامه للتخلص منه ف برغم صعوبه الواقعه التي هزت قلوب الملايين الا ان القانون يجب أن يتحقق في تلك الواقعه تحديدا ل مدي بشاعتها
واللي ميعرفش القصه تعالي نقولها لك ب اختصار بدأت ب انسان جاحد معندوش قلب رمي الكلب بتاعه اللي متربي معاه في بيته والكلب نوعه هاسكي ف الكلب مرعوب يا حبيبي قعد يلف الشوارع يدور علية ويشوف اي حاجة تحكيه من البشر اللي فاكرينه بيجري عشان يأذيهم
ومن كتر ما بيجري هنا الجهل والتخلف لعب دوره ب تسليط من ابالسه البشر طلعوا اشاعه الحق الكلب بيجري عشان ياكلنا
برغم انه بيجري منهم خايف منهم كلهم ميعرفش اي حد فيهم.. دماغه بتحكي انتوا مين وانا ايه اللي جابني هنا وليه كلكم بتطاردوني انا بس عاوز صاحبي انا اتربيت معاه وبثق فيه وانا معاه مش هاكون خايف انا بس بدور عليه
لك ان تتخيل ان قريه كامله تطارد هذا الغلبان لمده يوم كامل بقي في حالة فزع مش عارف يروح فين وما ادراك عندما يتحكم الجهل ب اروح الأبرياء كلهم سابوا حياتهم وبيجروا وراه اللي يقولك ده ذئب واللي يقولك ده سلعوه واسمع احلي كلام من قلب الجهل والتخلف
في الاخر مسكوه وعلي رقبته حبل لفوه وفي اقرب عامود نور ربطوه وهو زي الغلبان مش معاهم سابهم يمسكوه وسابهم يربطوه وسابهم يحقنوه وفي الاخر يقولك اصله كان بيأكلنا اتقوا الله ده مرعوب جنب العامود عيونه تستعطف واحد واحد فيكم مصعبش عليكم طيب
وبعد ده كله طلع دكتور اسمه حمدي حجاج دكتور كده من الناس اللي ليها غلاظه قلب تكفي دول ولو اتحكم علي بشر هيطلع الشر اللي جواه علي اصوله قالهم استنوا انه هحقنه ب سم متخيل راح قرب منه ومسك ايده وحقنه وحبيبي خلال دقايق كان بيودع العالم ب نظرات حركت قلوب ملايين البشر..
ليه تعمل كده لو هما جهله انت دكتور قولهم انا هياخده وابقي اتصرف انت لكن غلاظه قلبك وماضيك الأسود في اذيه مخلوقات الله كأنك داخل سباق
نتمني معاقبة كل من شارك في هذه الوقعه وليس هو وحده ف الجميع شركاء في الجهل والواقعة
الرأي الباقية الباقية من المجتمع أقصد باقي الشريحة من المجتمع
يقول :- Wali El Dien Seoudi
بالرغم اني بنقذ بشر و حيوانات بس لما حد يعرف اني بنقذ حيوانات او بساعد حيوانات الرد التلقائي بيكون:
"والبنى ادمين اللى مش لاقية تاكل..؟"
"مش البنى ادم أولى؟!"
طب لحظة كدة استناني
هي الناس مش لاقية تاكل عشان الحيوانات أكلت أكلهم؟
ولا الناس مش لاقية شغل عشان الحيوانات أخدت وظايفهم؟
طب اسمحلي اتحشر في افعالك زي ما انت اتحشرت في افعالي
وانت بتشتري موبايل سامسونج والا سوني والا ايفون , والا وانت بتدفع اشتراك الانترنت والباقة فكرت في الناس اللي مش لاقية تاكل؟
طب فكرت توفر ال 47جنيه اللي بتشتري بيهم علبة سجايرك كل يوم وتديهم للناس اللي مش لاقية تاكل؟
طب وانت قاعد علي القهوة كل يوم بتدفع 20-30 جنيه في القاعدة علي حجرين شيشة وفنجان قهوة وكوباية شاي فكرت في الناس اللي مش لاقية تاكل؟
طب وانت بتشتري جزمة ماركة والا بنطلون مقطع تقرف اللي جابونا بيه فكرت في الناس اللي مش لاقية تاكل؟
طب وانت بتشتري تذكرة سينما انت واصحابك علشان تدخل تتفرج علي الافلام الهابطة وتخلي المنتج والممثلين يكسبوا ملايين فكرت في الناس اللي مش لاقية تاكل؟
طب وانت بتشتري لعيالك لعبة ب قد كدة والا بتاخدهم تفسحهم وتدفع 200 جنية في الخروجة فكرت في الناس اللي مش لاقية تاكل؟
طب قوللي انت امتى فكرت في الناس اللي مش لاقية تاكل وعملتلهم ايه؟
وبعدين انا أساعد حيوان
أساعد انسان
اساعد شجرة
اساعد عفريت ازرق
انت ايه حشرك في اللي انا بعمله؟
جيت عليك في حاجة؟
اخدت لقمة من بقك او علاج من خالتك او مية من بيتكم واديتها للحيوانات؟
يا ريت تخليك في حالك وراجع افعالك وبطل المزايدة
__________
كان مجرد كلب… كلب من نوع “هاسكي”، شكله جميل وطبعه طيب، عاش فترة في بيت دافي، مع أصحاب كانوا المفروض يكونوا أمانه وسنده… لكن في لحظة غدر، قرروا يرموه في الشارع.
مبقاش فاهم…
هو عمل إيه علشان يتساب؟
هو غلط في إيه؟
ليه بقى الشارع بيته؟
ليه كل الناس فجأة بتخاف منه أو بتزعق عليه؟
ليه مبقاش فيه طبق أكل ولا حضن ولا حتى كلمة طيبة؟
الكلب اتصدم، حرفيًا اتصدم…
دخل في حالة نفسية صعبة، زي الإنسان لما يتخذل من أقرب الناس ليه.
وبدل ما نلاقي حد يحن، أو يحاول يفهم أو يساعد،
لقينا جهل، لقينا قسوة، لقينا قرار بالإعدام!
يجي دكتور — المفروض دكتور بيحافظ على الروح مش بيطفيها — يقرر إن الكلب “مسعور” من غير أي فحص حقيقي،
يربطوه في عمود، يحقنوه بحقنة توقف قلبه،
وبدل ما يسيبوه يروح في صمت… يكملوا عليه ضرب، ويشنقوه!
وكأن القتل بقى استعراض…
وكأن الوجع متشاف ومسموع… بس مفيش ضمير بيتألم!
القصة دي مش بس عن كلب،
دي عن ضمير ميت،
عن تعليم من غير رحمة،
عن جهل لبس بالطو أبيض،
عن قلوب فقدت..
______________
بهذا التقرير تم غلق الكلام فية نهائي و نتجه لموضوعات أخري
تعليقات
إرسال تعليق