جايز كبرنا…
فهيم سيداروس
بقلم الشماس الإكليريكي
معالي المستشار كرم سيداروس
بس لسه بنحتاج هدية عيد ميلاد، ولمة غدا وسط ناس بنحبهم، وضحكة صافية من القلب..
لسه بنحتاج خروجة الصحاب، ويوم الإجازة اللي نحس فيه إننا بنهرب من زحمة الدنيا، والتزويغ لمجرد حب المغامرة مش أكتر..
لسه بنحتاج لمسة أبوة تطمن، وحضن أمومة حنين..
لسه أوقات كتير بنحتاج حد يقولنا: “ده صح وده غلط”، ونفرح لما نلاقي حد بيشجعنا حتى على الحاجات البسيطة اللي بنعملها..
لسه بنحتاج حد يسألنا: “عملت إيه؟” أو يقولنا: “طمني لما توصل”..
ليه الناس بتفترض إننا كبرنا يعني خلاص؟
مين اللي اخترع جملة “إنت خلاص كبرت”؟
مين اللي نسي يقولهم إن الحاجات دي ماينفعش نكبر عليها؟
لأن الكبير محتاج الحاجات دي زي الصغير بالظبط، وأوقات أكتر كمان، وده ما يقللش منه ولا يصغره..
ماتعقبوش الواحد عشان كبر
حبيب قلب اخوك
ردحذفدايما منورنا ياسيادة المستشار ونفضل نتعلم منك
ردحذفحبيبي تحياتي
حذف