تداعيات حرب روسيا وأوكرانيا
فهيم سيداروس
أوكرانيا تضرب جسر القرم الخاضع لسيطرة روسيا بقنابل زرعتها تحته فى الماء في عملية غير مسبوقة ضربة موجعة جديدة وروسيا لن تصمت
ضربه إستخباراتيه أوكرانية خطط لها رئيس جهاز الإستخبارات من عده شهور مثل ضربة الطائرات الروسية التي كان مخطط لها من سنه ونص..
يساعد أوكرانيا هو حلف الناتو وخاصه حاليا دول أوروبا مثل بريطانيا، وألمانيا، وطبعا أمريكا.. لأنها تاخد ٩٠%من المعادن فى أوكرانيا....بدايه حرب عالمية ثالثة..
كيف ضربت مسيرات أوكرانيا "قواعد روسيا الاستراتيجية"؟
لا يمكن لأكرانيا تنفيذ مثل هذه العملية بدون تدخل مباشر من الإستخبارات الأمريكية،
أظن أنها رسالة مشفرة من ترامب لبوتن خاصة بعدما دعى ترامب لوقف الحرب، ولم تستجب روسيا، وقد تكون هدية رمزية من ترامب لزلنيسكي بعد إتفاقية المعادن النادرة..
زلينسكي كمبارس ضيع شعبه وبلده، وأفنى جيش بلده وأمريكا إستخدمتة لأهدافها الدنيئة..
قيمه الأراضي التي خسرتها أوكرانيا للأبد المدن الأستراتيجية الأربعة، وبحر أزوف، وبحر الأسود..
تعادل أضعاف أضعاف أضعاف هذه الخساره ليس لأوكرانيا بل لأوربا أجمع؟
ثانيا خساره أوربا لمصدر الوقود أضعاف هذه الخسارة؟
خساره أوكرانيا لإقتصادها أضعاف مضاعفه؟
ثالثا خساره أوكرانيا لبنيتها التحتيه أضعاف مضاعفه لهذه الخساره؟
لا يمكن لاوكرانيا أن تقوم بهذه العمليه الكبيره منفرده لولا مساعدة أوروبا، وأمريكا
وأعتقد أن الدب الروسي سيرد بشكل قوي غير مسبوق في الأيام القادمة.
العبث مع الدب الروسي... عواقبه وخيمة... حيث هذه المرة نخشى ان لا يطبق قانون نيوتن الثالث...
لكل قوة فعل.. رد فعل.. ولكن لا تساويها في المقدار.
وجهة نظري ان هذه العملية قد تؤدي إلى حرب تطال الجميع وتكون الحسابات فيها خارج السيطرة، أو أن تسقط هيبة روسيا اذا كان الرد باهت.
روسيا من أتعرضت لأقوى ضربة عسكرية في تاريخها الحديث.. هجمة بتتوصف بإنها على مستوى ضربة بيرل هاربور اللي كانت سبب في دخول أمريكا للحرب العالمية الثانية!
والسبب؟
أوكرانيا نفذت واحدة من أخطر العمليات الاستخباراتية اللي حصلت في الحرب دي، استخدمت فيها عشرات المسيّرات الذكية اللي ضربت بيها القواعد الجوية الروسية جوه أرضها!
أكتر من 40 طيارة حربية روسية من أقوى وأغلى الطيارات الاستراتيجية، اتضربت واتفجرت قدام عيون الروس وفي قلب مطاراتهم وهما لسه على الأرض، في أربع قواعد جوية داخل روسيا، منهم قاعدة جواها غواصات نووية!
طب إيه اللي حصل بالظبط؟ وإزاي الضربة دي ممكن تكون بداية لتصعيد خطير في الحرب يوصل لدرجة استعمال روسيا للترسانة النووية؟
شوف يا سيدي...
اللي حصل من شوية ده هو عبارة عن عملية حربية واستخباراتية أوكرانيا كانت بتخطط ليها سرًا من سنة ونص، عشان تكون من أكبر الضربات اللي تم توجيهها لروسيا على الإطلاق.. وبعد ما تم تنفيذها، أوكرانيا أعلنت مسؤوليتها عنها، وأطلقت عليها اسم "عملية شبكة العنكبوت"!
طب اتنفذت ازاي؟
أوكرانيا من كام يوم هرّبت طيارات مسيّرة صغيرة، جوّه شاحنات عادية جدًا أو (تريلات) دخلت الأراضي الروسية بشكل طبيعي.. الشاحنات دي كانت شايلة عليها حاويات خشبية مموهة وفيها أسقف بتتفتح إلكترونيًا عن بُعد، ومحدش شك فيها إطلاقًا.
ولما جت ساعة الصفر؛ فجأة، وفي عز الليل والناس كلها نايمة، الشاحنات دي وقفت على جنب الطريق، والأسقف بتاعتها اتفتحت لوحدها إلكترونيا، وطلعت منها عشرات المسيّرات الأوكرانية المزودة بتقنيات ذكاء اصطناعي متقدمة جدًا، في مشهد مرعب أقرب لأفلام الخيال العلمي!
المسيرات دي أول ما خرجت من الحاويات، حددت أهدافها بمنتهى الدقة باستعمال نظم الذكاء الاصطناعي اللي تم دمجها مع الأقمار الصناعية، وانطلقت في أسراب منظمة بدون ما حد يلحق يشوفها أو يعترضها، عشان تضرب أربع قواعد عسكرية روسية مهمة في نفس الوقت، هما: "بيلایا، دياغيليفو، إيفانوفو، وأولينيا".
والنتيجة؟!
كارثة عسكرية بكل المقاييس!
أكتر من 40 طيارة روسية استراتيجية اتحرقت وهي واقفة في المدرج، منها قاذفات نووية زي Tu-95 وTu-22M3، واللي روسيا بتعتمد عليها في ضرب المدن الأوكرانية من مئات الكيلومترات.. وكمان دمروا طيارة الإنذار المبكر A-50 اللي بتعتبر عين روسيا في السما!
الخساير حسب التقديرات الاقتصادية عدت الـ 2 مليار دولار في أقل من دقايق.. والموضوع موقفش بس على الخسارة المادية، دي خسارة استراتيجية غير مسبوقة وتعتبر ضربة كبيرة جدًا لمجهود موسكو الحربي، عشان الروس ببساطة معندهمش القدرة يعوضوا الطيارات دي حاليًا، عشان العقوبات الغربية وقفت خطوط الإنتاج الروسية وقطعت عنها قطع الغيار وسببت شلل كبير في قدرات الصناعة العسكرية لروسيا!
الموضوع موقفش هنا... العملية دي كمان كشفت حاجة مرعبة للروس: أوكرانيا مش بس قادرة توصل لقواعدهم الحساسة، دي كمان قادرة تضرب القواعد اللي فيها غواصاتهم النووية زي قاعدة "سيفيرومورسك" في شمال روسيا، واللي حصل فيها انفجار غامض في نفس اليوم، رغم إن الروس بينكروا لحد دلوقتي.
والأغرب من كده، إن سائق واحدة من الشاحنات اللي طلعت منها المسيّرات، لقوه بعدها مقتول ومخنوق برباط بلاستيكي، والشاحنة نفسها اتفجرت ذاتيًا بعدها... يعني العملية اللي نفذتها أوكرانيا دي مكانتش أي كلام، دي بقت بتنفذ عمليات على مستوى تخطيط الـ CIA والموساد.
طب ليه الضربة دي تحديدًا خطيرة جدًا؟
لأن القاذفات اللي اتحرقت دي مش مجرد طيارات عادية، دي جزء من "الثالوث النووي الروسي"، اللي روسيا بتستخدمه في استراتيجية الردع النووي بتاعتها، واللي بتضمن توازن الرعب في العالم من وقت الحرب الباردة!
يعني بمعنى تاني، اللي حصل ممكن يُعتبر - نظريًا - تهديد مباشر لقدرة روسيا على توجيه ضربة نووية لو اتعرضت لهجوم... وده في العقيدة العسكرية الروسية، يعتبر "خط أحمر"، وبيستوجب الرد عليه بأقصى قدرات الردع الروسي، وممكن جدًا يخلّي بوتين يستخدم أسلحة نووية تكتيكية ضد أوكرانيا كنوع من الانتقام وفرض القوة والسيطرة!
طب رد فعل روسيا كان أيه؟
الإعلام الروسي حاليًا مصدوم والدنيا مقلوبة عندهم... بوتين استدعى القادة العسكريين لاجتماع طارئ، والكرملين بدأ يسرّب رسائل واضحة جدًا إن الرد الروسي هيكون "مفاجئ" و"قاسي للغاية"... وأغلب الخبراء بيقولوا إن بوتين مش هيقبل يسيب الموضوع يعدي بسهولة.
لأن لو بوتين ما ردّش بقوة... سمعته قدام شعبه والعالم كله هتبقى على المحك، وهيظهر كقائد عاجز عن حماية أراضيه ومصالح روسيا الاستراتيجية.
المفارقة، إن في نفس اليوم، روسيا كانت طلبت مفاوضات سلام مع أوكرانيا في إسطنبول... وأوكرانيا ردت عليها بالعملية دي عشان تحاول تضعف موقفها وتجربها على التفاوض من موقف ضعف!
طب إيه السيناريوهات المتوقعة دلوقتي؟
حسب تقديرات الخبراء العسكريين، فالمتوقع هو التالي:
1️⃣ روسيا ممكن ترد بضربة صاروخية ضخمة جدًا على كييف والبنية التحتية في أوكرانيا.
2️⃣ أو ممكن تستخدم السلاح النووي التكتيكي في شرق أوكرانيا كنوع من الردع والانتقام.
3️⃣ كل ده ممكن يؤدي لمواجهة أكبر وأوسع، احتمال تجرّ الناتو نفسه للحرب وهما مش مستعدين لسه ومالحقوش يبنوا قدراتهم العسكرية بعد ما أمريكا اتخلت عنهم.
وده معناه إن العالم دلوقتي واقف على حافة الهاوية...
العملية اللي عملتها أوكرانيا ممكن فعلًا تقلب الحرب دي من حرب إقليمية، لحرب عالمية جديدة في أي لحظة... وعشان كده العالم كله دلوقتي مترقب رد بوتين، لأن قراره خلال الأيام اللي جاية ممكن يحدد مستقبل أوروبا والعالم كله.
وفي النهاية كالعادة، المصادر والتفاصيل اللي اعتمدت عليها هتلاقيها في الكومنتات تحت 👇 ولو وصلت لهنا متنساش تعمل شير عشان المعلومة توصل للناس ويعرفوا أيه اللي بيحصل في العالم.
الخبر اللي انت شاركته مثير جدًا، ومكتوب بأسلوب درامي قوي، لكنه مش دقيق 100%، وخليني أوضح لك الحقيقة ببساطة وبحيادية:
---
✅ هل أوكرانيا شنت هجوم كبير داخل روسيا مؤخرًا؟
نعم، أوكرانيا بالفعل شنت خلال الشهور الماضية (وخاصة في مايو 2025) عدد من الهجمات بالطائرات المسيّرة على العمق الروسي، واستهدفت قواعد جوية ومواقع عسكرية، بعضها بعيد عن جبهات القتال. وده تطور كبير في أساليب الحرب.
فيه تقارير بالفعل أكدت تدمير أو تضرر طائرات مثل Tu-22M3 وTu-95 في قواعد زي دياغيليفو وبيلغورود، وفيه أقمار صناعية التقطت صور تدعم الكلام ده.
لكن...
هل تم تدمير 40 طائرة في هجوم واحد؟
لا. هذا الرقم مبالغ فيه جدًا، ومفيش أي مصدر موثوق (زي الأقمار الصناعية أو تقارير استخباراتية غربية) أكد إن أوكرانيا دمرت 40 طيارة استراتيجية دفعة واحدة. الخسائر المؤكدة عادة بتكون في حدود 2-6 طائرات في كل هجوم ناجح.
هل تم تهريب مسيّرات في شاحنات داخل روسيا؟
الجزء ده أقرب للسيناريوهات السينمائية. مافيش أي دليل مؤكد أو مصدر استخباراتي موثوق أشار إلى إن أوكرانيا هرّبت مسيّرات جوه شاحنات داخل روسيا وطلعت منها المسيّرات من الحاويات. الهجمات الأوكرانية عادة بتتم عبر الطائرات المسيّرة بعيدة المدى، وأحيانًا من داخل الأراضي الأوكرانية أو من عملاء داخل روسيا، لكن بالشكل اللي اتوصف؟ لأ، غير مؤكد ومحتمل جدًا يكون مبالغات أو اختلاق.
هل ده يهدد الثالوث النووي الروسي؟
الثالوث النووي الروسي يتكوّن من:
صواريخ نووية أرضية
غواصات نووية
قاذفات استراتيجية
فقدان بعض القاذفات مؤلم لروسيا، لكنه لا يعطّل قدرة روسيا النووية بالكامل. الترسانة النووية الروسية ما زالت ضخمة ومعقدة جدًا، والهجوم ده لا يُعتبر تهديد وجودي مباشر لها، على الأقل في المفهوم الاستراتيجي المعروف.
هل ممكن روسيا ترد بشكل عنيف؟
أكيد وارد. وروسيا بالفعل صعّدت في الردود بعد هجمات مشابهة، وزادت وتيرة الهجمات على كييف والبنية التحتية. إنما الرد النووي احتمال بعيد جدًا في الوقت الحالي، لأنه هيكون تصعيد غير محسوب ممكن يجر العالم كله لحرب عالمية، وروسيا لسه بتحاول تحافظ على دعم بعض الدول المحايدة أو الصديقة.
الخلاصة:
الهجوم حقيقي؟
نعم، في هجمات مسيّرات أوكرانية حصلت داخل روسيا.
هل بالشكل والحجم اللي اتقال؟ لأ، الكلام فيه مبالغات شديدة جدًا.
هل يهدد توازن العالم؟ التصعيد خطير، لكن لم يصل لمستوى حرب عالمية بعد.
هل روسيا ممكن ترد؟ احتمال كبير، لكن الرد النووي التكتيكي لسه غير مرجّح حاليًا.
أحدث التقارير الغربية أو العسكرية من مصادر موثوقة توضح حجم الضربة الحقيقي وتفاصيلها.
مش معروف مين وراء نشر الأكاذيب دى والمصادر زى جارديان معروف طول عمرهم بالكذب وأنهم زبالة
ماتنساش انهم اللي قالوا وقت الثورة ان ثروة مبارك ٧٠ مليار دولار ...الجارديان زبالة للمرة المليون
أفضل رد روسي على أوكرانيا سيكون محاصرة خاركييف و أسر عدد كبير من الجنود و خبراء الناتو و تحريرها قبل المعركة القبل الأخيرة في كييف.... ...
ورغم اعتراف موسكو بالهجمات، فإنها التزمت الصمت حيال حجم الخسائر الدقيقة، ما يعكس حجم الحرج العسكري والسياسي الذي تعرّضت له.
يؤكد محللون أن هذه العملية تمثل لحظة فاصلة، ليس فقط في الحرب الروسية الأوكرانية، بل في مفاهيم الردع والاستهداف الاستراتيجي، إذ أظهرت كيف يمكن لتكنولوجيا منخفضة التكلفة، مثل الطائرات المسيّرة والذكاء الاصطناعي، أن تُسقط هيبة أسلحة تبلغ قيمتها عشرات الملايين من الدولارات.
هل أوكرانيا بتبعث رسالة إنها مش بس بتدافع.. دي بتقدر توصل كمان “جوه البيت الروسي”؟
وروسيا اللي كانت طول الوقت بتضرب من مسافة أمان، فجأة تكتشف إن الأمان ده مش مضمون؟
هل العملية دي استخبارية بحتة؟ ولا بمساعدة تكنولوجيا غربية متقدمة؟
وهل التوقيت ليه علاقة بأي تحركات دبلوماسية أو مؤتمرات جاية؟
ما حدث ليس مجرد عملية عسكرية…
ده نقل الحرب لمرحلة أخري، مرحلة فيها حدود اللعبة بتتهز، ومراكز الثقل العسكري بتتضرب في مقتل.
السؤال مازال مفتوح:
هل هذه "ضربة عابرة"؟
أم بداية سلسلة ضربات أعمق…
ستفتح جبهة جديدة داخل روسيا نفسها؟!
أصبحت اليوم روسيا دولة هرمة تعيش بنفس الماضي دولة بحجم روسيا يتم استهداف قاذفاتها الاستراتيجية بهذه السهولة ومن داخل أراضيها وبهذا النجاح يضع الف علامة استفهام عليها أن توقف المهزلة التي بدأتها وتعيد حساباتها وهذا يحسب نصر كبير للمخابرات الاوكرانيه علي المخابرات الروسيه ولابد من رد من موسكو لحفظ ماء وجه الروس امام هذا الفضيحه التي لحقت بهم
وخصوصا انه تم القصف من داخل الاراضي الروسيه وليس من خارجها......
تعليقات
إرسال تعليق