محامى عره وهو بيمد ايده يلمس رجلها كان قصده يطول الفستان يسترها
محامى عره وهو بيمد ايده يلمس رجلها كان قصده يطول الفستان يسترها
تقرير: فهيم سيداروس
ما تفسير سهام نظراتة؟.
ماذا كانت تريد يدة ، إلي أين كانت ذاهبة. هل كانت تريد أن تسلم علي مصر؟
ما هو العقاب المناسب لعدم تكرار هذه الجريمة؟
حبس سائق تحرش بسائحة صينية فى شرم الشيخ ١٥ يوم على ذمة القضية.
المتحرش مش بس أساء للسائحة اللى اتحرش بيها، ولسمعة البلد والسياحة كمان!
السائحة الصينية مقدمتش بلاغ بتعرضها للتحرش بس نشرت الفيديو على السوشال ميديا بتاعتها، يعنى شافه بليون صينى، ده غير انه انتشر فى دول العالم!
السواق استخدم جوجل ترانزليت علشان يقول لها "ما تيجي نروح البيت عندي"!
السؤال هنا بجد: هو المتحرش فى باله انه لما يقول للسائحة الصينية "ما تيجي نروح البيت عندي" هى بقى هتروح معاه؟
طبعا في اللى حيقول ما لبسها هو السبب؛ وأكيد محامى المتحرش حيطلع جوجل هو اللى معرفش يترجم!
ردا على سؤال ايه العقاب المناسب .
اولا احنا كلنا كمصريين رافضين التصرف من منطلق أمور كتير أولها وأهمها ان مش دى أخلاق المصريين احنا شعب معروف عننا احترام الآخر وحسن استقباله وكرم ضيافته ...
وبشكل خاص كعاملين فى القطاع السياحى نرفض رفضا باتا مثل هذه التصرفات الغير لائقة التى تصدر من أشخاص غير مسؤولة وتسىء إلى سمعه البلد باعتبار أن السياحه واجهه لمصر..
إنني أدعم السائحه الصينيه فى موقفها لما وقع عليها من ضرر واذى نفسي جراء فعل هذا الشخص، ونتمنى بتوقيع اقصى عقوبه وادراج هذا التصرف المخل فى صحيفة الحاله الجنائية له حتى يتم منعه تماما بعد كده من العمل فى هذا المجال طبعا الموقف غير موضح ما إذا كان هذا السائق كان يستقلها فى اى وسيلة نقل..
هل كانت مع تاكسي عام، او ليموزين، او شركة نقل سياحى؟
طبعا فى جهة تحقيقات مشكوره تقدر من خلال بصمه صورته تجيب كل المعلومات الكافيه عنه
الاهم هو الدرس المستفاد من هذا الموقف :-
١- أحقاقا للحق نحن من خلال طبيعة عملنا بنصادف نماذج محترمه من اخواتنا السواقين رجاله مصر الجدعان اللى بنأمنهم على أرواح أولادنا، وانفسنا..
وكذلك ضيوف بلادنا تصرف هذا الشخص لا يعنى ان الكل كذلك.
٢- نتمنى عوده الانصباط فى القطاع السياحى وعدم السماح لأى شخص كان من كان ان يمتهن هذه المهنة الا اذا كان لائق مهنيا وحسن السير والسمعة ويخضع لاختبارات نفسيه تثبت انضباط سلوكه وانه يكون بحق واجهه للبلد يجيد على الأقل التحدث باللغه الانجليزيه من أجل تواصل جيد مع السايح.
٣- يجب على وزارة السياحة والآثار المصرية مشكوره تعميم قرار منع عمل مثل هؤلاء بالقطاع السياحى وان يقتصر العمل فقط على المركبات السياحية وسواقين السياحة ممن لديهم كارنيهات اشتراك فى غرفة شركات السياحة والسفر عمر مافى حد منهم يقدر ينظر بعين لواحده لانه ملفه موجود بالشركة وفى حال رصد أى شكوى من عميله هيتم الوصول اليه انما دخول المركبات الخاصه و الملاكى فى القطاع السياحى جعل المجال مرتع لكل من هب ودب يعمل اللى هو عاوزه ماهى مش عربيته بقي !!!
الموضوع ده خطر جدا جدا جدا ومتفشي بشكل كبير وبيضر بسمعه مصر والاقتصاد المصرى لان المكاسب المادية اللى بيحققها هؤلاء تذهب لجيوبهم الشخصية..
تقول المرشدة السياحية سوزان:_
عمر كلام حضرتك تمام.. فعلا قطاع السياحه لابد أن يكون لديه المنظومه الخاصه به والعاملين سواء سائقين او خلافه يكونوا لديهم كارنيهات اشتراك في غرف السياحه
إن السياحة صناعة حساسه جدا وده لان هذه الصناعه تعتمد فى المقام الأول على العنصر البشرى لو المرشد السياحى المصرى ... موظف الاستقبال فى الفندق .... مندوب شركة السياحة .... السواق غير مؤهل على التعامل مع السياح بشكل احترافى يضيف للقطاع والبلد الضيف مش هيرجع لنا تانى ونبقي خسرنا سمعتنا كدوله سياحية وكمان عمله صعبه البلد فى امس الاحتياج ليها.
ايضا يتم عمل حمله اعلانيه على كل القنوات بعد رصد كل المشاكل اللى بقابلها السياحه لتعليم الشعب المصرى ان بلده لازم تبقى وجهه سياحيه رقم ١ فى العالم و تستحق لابد الجميع يتعلم مباديء كيفيه التعامل مع السياح فى كل المواقف و ان البلد تكون متحف مفتوح و كلنا يكون لدينا الوعى الكافي بالحياة السياحه ل بلدنا و نحافظ على هذا لو حتى آداب المشى فى الشارع الموجود فيه سياح...
نقاط كتيره خاطئه لابد عمل حمله دعائية لتوجيه و توعيه الشعب
مثل تجمل بلا خلاق و للعلم
ده غير تدريس الماده دى للأولاد الصغيرين فى المدارس ازاى نبقى كلنا مستقبلين رائعين للسياح و كيفيه التعامل معاهم و ازاى نبقى مسوقين ل بلدنا من سلوك الناس فى الشارع و المناطق السياحيه
مع تفعيل الدور الرقابي ... ده مشروع مهم فى التوعيه بالصناعه رقم ١ اللى المفروض مصر تقوم بيها بكل ما أوتيت من قوه ... هتفرق كتير..
نحن محتاجين زرع اخلاق من جديد محتاجين مراجعة أنفسنا ف كل حاجة الرجل لو عمل شئ الكل بيكون شبهه والمرأة لو عملت شئ الكل بيكون زيها ياريت نفصل ونفرق ونحط حد صارم لكل من تسول له نفسه بفعل فاحشة أو خطأ ظهر علانية حفاظا علي أنفسنا وع أجيال تولد يوم بعد يوم
تعليقات
إرسال تعليق