محاولة إنتحار إحدى طالبات الثانويه العامه بمدرسة الحسينية الثانويه بنات..

 

محاولة إنتحار إحدى طالبات الثانويه العامه بمدرسة الحسينية الثانويه بنات..

فهيم سيداروس 

أين أمن المدرسه وإدارتها بمحافظة الشرقية؟..

المدير أجتمع بالمدرسين

وأستقرو إنهم عملو تقرير ان البنت تعاني من مرض نفسي عشان يحموا أنفسهم

وعملوا جزاء للفراش.. بدل ما المسؤل يتجازي

وطبعا الفراش راضي وموافق 

عشان الواد اللي كان فالمدرسه ازاي دخل المدرسه اتفقوا إن الفراش يشيلها وخلاص

لأن الفراش قريب المدير..

وتتوالى ردود الأفعال على القرارات الغير مدروسة 

الوزاره قالت ٣ نماذج مختلفة ويراعي التوزيع النسبي ويكون في عدالة بين النماذج لتحقيق تكافؤ الفرص واحنا قولنا استحاله ده يحصل وبلاش اصلا تعملوا كده لان هيحصل مشاكل كتير ومافيش موجه هيقدر يحط ثلاث نماذج مختلفه ومراعي فيها كل ده غير أن هيكون صعب كمان في التصحيح .. 

إذا كان شهادة الثانويه العامه ثلاث نماذج متماثله مع اختلاف ترتيب الاسئله جايين انتم يا بتوع النقل تعملوها نماذج مختلفه بتصعبوها على نفسكم وعلى العيال وعلى المدرسين  ليه 

وبالفعل النهارده مع  تاني يوم امتحانات  تعالت الصرخات وكثرت الشكاوى ولا في عداله ولا مراعاه للتوزيع النسبي لا و كمان بعض الإدارات في الجيزة من ضمنهم الهرم  عملت أربع نماذج وتفاوت في مستوى الامتحان وعيال طالعه تعيط وعيال طالعه تضحك وبدأوا يتضايقوا من بعض وده يقول صاحبي امتحانه اسهل وده يقول المراقبين قاصدين يوزعوا النماذج السهله على عيال محدده وبدأت العيال من صغرها تفكر بطريقة المؤامرة ..

تقريبا دي خطتكم اللي بدأتوا فيها زرع الفتن والوقيعه بين الطلاب زي ما عايزين تعملوا فتن في التربيه الدينيه بالثانويه العامه وتوقعوا بين المسيحين والمسلمين ..

دماغكم فين وفين تفكيركم لما بتقرروا القرارات دي

ما كفايه منزلين العيال كلها تمتحن مع بعض في نفس التوقيت ومافيش اماكن في اللجان وقاعدين اربعه وخمسة جنب بعض وبيمتحنوا في المعامل والمسرح والمكتبة وعلى ترابيزات المكتبه وترابيزات المعامل وكأنهم قاعدين في ورشه عمل مش امتحان ،طبعا ده غير الفترات مسائية يبقى اخ بيمتحن صباحي واخوه مسائي والأهالي متشحططه بين ده وده  ..

عقولكم فين وانتم بتحطوا الجداول دي وبتفكروا بالطريقة دي .

نفس تفكيركم العجيب بالظبط لما هتنزلوا اولى وثانيه ابتدائي مع امتحانات الاعداديه ومافيش اماكن في المدارس وهتخرجوهم في مدارس تانيه وكأنهم شهادات 

 

أطفال صغيره المفروض ناجحين بقوه القانون بتبهدلوهم معاكم ليه وتعقدوهم من الامتحانات والمدارس 

نتمنى الدوله تنظر نظرة اهتمام على التعليم وتشوف اللي بيحصل فيه بدل ما العيال واقعين مع عقول مبتعرفش تفكر ولا تخطط و بيضيعوهم ويجيبوا لهم احباط 

الرحمه بجد كفايه كل اللي بيحصل ده 

قولناها قبل كده وهنقولها تاني يمكن حد يسمع أو يفهم 

لا للنماذج المختلفه 

لا لنزول الطلاب كلها في نفس التوقيت 

لا للامتحان النهائي للصف الاول والثاني الابتدائي  

إلي معالي وزير التربيه والتعليم

 ا. محمد عبد اللطيف..

 

من كل أولياء الامور 

وكل الطلبه...

كرهتنا في المدارس والامتحانات والدراسة..

تم تعقيد الطلبه ووصل بهم الحال إلي الأمراض العصبيه.. وحالة من الإحباط..

الإمتحانات ونظامها.. ونماذج مختلفة.. نموذج سهل يتحل والأخر صعب وإستحاله يتحل 

والتالت نصف نصف..

وكل طالب ونصيبه وحظه..

ماذا يكون وضع التصحيح؟ 

ظلمت الطلبه وضيعت تعبهم علي الارض..

غير الفلوس والمذكرات والشيتات والمراجعات الى كلها علي الفاضي..

إمتحان الساينس الصف الأولى الأعدادى من أي كوكب؟ 

هل هو من المنهج أم الكتاب أم مذكره أم شيت؟.  

بكاء الطلاب والطالبات 

يقولون ندرس منين ونستذكر من أي مرجع نحن لم نقصر

التقيمات غبيه تنزل بالحل ليدخلوا المواقع ينقلوها ويضعوها في الكراسه...

لا فيه متابعة، ولا رقابة المهم الكراسة

 

نظام عقيم، ولا يوجد فيه التقدم كرهت الأطفال فى كى جى وابتدائي من القرارات الغير مفهومه ابدا...

عقدتهم من الصغر.. 

غير إن أولياء الأمور يوفروا الفلوس..والطلاب منهاره واحلامهم بتضيع لان الامتحان من خارج المنهاج الى طول السنه التي يدرسوها..

مما حدث إنها مهزلة...مهزله..

للأسف الاولاد ااتعقدوا فعلا... والنتيجة ستكون التسرب من التعليم...